У сядзібе пад польскімі Сувалкамі прайшла шостая па ліку Балцкая крывуля. Туды з’язджаюцца тыя, каму дарагая ідэя гістарычнага адзінства балтаў.
Сядзіба Пятра Лукашэвіча, прадпрымальніка з Пунску (мястэчка на польска-літоўскім памежжы), ужо ў другі раз прыняла ўдзельнікаў Балцкай крывулі.
Мінулай восенню Балцкая крывуля прайшла пад Шаўлямі, на поўначы Літвы. У 2014-м — у латвійскіх Покайнях. У 2013-м — паралельна прайшлі сходы ў яцвяжскіх Ажкінах і ў Крожах на Жамойці. У 2012-м — у латвійскай Трыкаце. Нарэшце, самая першая Балцкая крывуля адбылася ў жамойцкіх Куртавянах.
Прадстаўнікі ад Беларусі былі толькі на першых двух — у Куртавянах і ў Трыкаце.
